http://www.akranes.is/frettir/ Nepal vefumsjón - www.nepal.is http://www.akranes.is/frettir/nr/125741 http://www.akranes.is/frettir/nr/125741 Tue, 21 Feb 2012 15:20:00 GMT Í gær fjallaði vefur Skessuhorns um yfirlýsingu frá Umhverfisvaktinni í Hvalfirði þess efnis að ástæða væri til að óttast að neysluvatn á Akranesi, sem kemur úr Berjadalsá, væri mengað m.a. af völdum efna frá stóriðjufyrirtækjunum á Grundartanga. Af þessu tilefni hefur Heilbrigðiseftirlit Vesturlands sent frá sér eftirfarandi yfirlýsingu: „Heilbrigðiseftirlit Vesturlands vill að gefnu tilefni benda íbúum á Akranesi á það að ekkert hefur komið við reglubundnar efnamælingar af neysluvatni á Akranesi sem bendir til þess að neysluvatnið sé mengað af efnum frá stóriðjunni á Grundartanga eins og ætla mætti af grein sem skrifuð var af stjórn Umhverfisvaktarinnar við Hvalfjörð. Það eru ekki fagleg vinnubrögð að reyna að hræða íbúa eða fyrirtæki á Akranesi með slíkum órökstuddum greinarskrifum.“ Þá hefur Orkuveita Reykjavíkur einnig sent frá sér svohljóðandi yfirlýsingu vegna málsins: „Í framhaldi af dreifibréfi þar sem brigður eru bornar á eftirlit með heilnæmi neysluvatns á Akranesi vill Orkuveita Reykjavíkur, sem á og rekur vatnsveituna í bænum, benda á að reglubundið eftirlit er með neysluvatni eins og lög gera ráð fyrir. Á Akranesi er eftirlitið í höndum Heilbrigðiseftirlits Vesturlands, sem sent hefur frá sér svohljóðandi yfirlýsingu“ (sbr. ofangreind yfirlýsing). Síðan segir í yfirlýsingu Orkuveitunnar: „Í umhverfisskýrslum Orkuveitu Reykjavíkur síðasta áratuginn er að finna ítarlegar niðurstöður efnagreininga á neysluvatni á Akranesi. Skýrslurnar eru allar á vef Orkuveitunnar . Þær gefa ótvírætt til kynna mikil gæði neysluvatns á Akranesi.“ Niðurstöður efnagreininga á Akranesi árið 2011 má skoða með því að smella hér en þær verða birtar í umhverfisskýrslu OR fyrir árið 2011. http://www.akranes.is/frettir/nr/125582 http://www.akranes.is/frettir/nr/125582 Thu, 16 Feb 2012 16:17:00 GMT Í nýlegri könnun sem fyrirtækið MMR vann fyrir Ferðamálastofu um ferðalög og ferðavenjur Íslendinga á síðasta ári kemur margt athyglisvert í ljós. Þar kemur m.a. fram að Akranes og Borgarnes eru í þriðja efsta sæti yfir þá staði eða svæði sem Íslendingar heimsóttu á ferðalögum sínum innanlands á árinu 2011, næst á eftir Þingvöllum, Geysi og Gullfossi (Gullna hringnum) í öðru sæti og Akureyri í því fyrsta. Endurspeglar þetta því hversu mikilvægur markhópur Íslendingar eru fyrir ferðaþjónustuna á svæðinu og um leið fyrir sveitarfélögin, sem halda úti margvíslegri þjónustu fyrir þennan hóp. Í því sambandi má m.a. benda á að sundferðir er sú tegund afþreyingar sem Íslendingar sækja mest í, samkvæmt sömu könnun en sundlaugar eru flestar reknar af sveitarfélögunum. Liðlega 66% innlendra ferðamanna fóru í sund eða jarðböð á ferðum sínum um landið. Á dögunum var einnig gefinn út listi yfir bestu golfvelli landsins og þar er Garðavöllur, golfvöllurinn á Akranesi í þriðja efsta sæti. Í ljósi þess að u.þ.b. 20 þúsund hringir eru leiknir á Garðavelli ár hvert er ljóst að þessir gestir eru mikilvægir fyrir ferðatengda þjónustu á Akranesi. Af þessu má draga þá ályktun að innlendir gestir og ferðafólk eru afar mikilvægir fyrir ferðaþjónustuna á Akranesi og ástæða til að horfa mjög til þessara þátta í því uppbyggingarstarfi sem hafið er á sviði ferðaþjónustu á Akranesi. Ekki má láta hjá líða að nefna að vinsældir tjaldsvæðisins í Kalmansvík á Akranesi hafa líka og án efa sitt að segja í þessum efnum. Á næstunni verður auglýst eftir áhugasömum aðilum til að koma að frekari uppbyggingu afþreyingar í bænum, s.s. hvalaskoðun, hestaferðum, skipulögðum skoðunar- og gönguferðum o.s.frv. Að undanförnu hefur gistimöguleikum á Akranesi fjölgað en ljóst er að fjölga þarf afþreyingarmöguleikum á svæðinu. Sömuleiðis eru uppi áform um frekari uppbyggingu á þjónustu við Langasand og þá standa vonir til að halda megi áfram uppbyggingu á fjölskylduvænni afþreyingu og þjónustu í Garðalundi. Meðfylgjandi myndir eru úr Garðalundi og af Aggapalli við Langasand. http://www.akranes.is/frettir/nr/125393 http://www.akranes.is/frettir/nr/125393 Sat, 11 Feb 2012 16:03:00 GMT Nýverið ritaði Árni Múli Jónasson, bæjarstjóri grein um málefni Kútters Sigurfara, sem birtist m.a. í Skessuhorni og víðar. Þar segir m.a.: Þær tillögur sem nú er unnið eftir miða þess vegna að því að koma skipinu í skjól og hefja að því loknu endurbætur og viðgerðir á því. Hugað yrði að öðrum verkefnum samhliða þessu og má nefna sem möguleika í því sambandi sýningu og fræðslu eða nokkurs konar safn um sögu Kútters Sigurfara og skútuöldina, sem og hlutverk og áhrif kúttera á atvinnusögu þjóðarinnar; hvernig var lífið um borð í skútunum, aðbúnaður sjómanna og viðurværi, verklag og veiðarfæri, meðhöndlun afla, sjólag o. sv. frv. Það er þó ljóst að ekki verður hafist handa við þetta verkefni án aðkomu og þátttöku ríkisins. Verkefnið er einfaldlega stærra en svo að eigendur skipsins ráði við það einir. Tími til að taka ákvarðanir um framtíð Kútters Sigurfara er knappur því að hann er að grotna hratt niður. Valið stendur á milli þess að hefja, helst strax á þessu ári, framkvæmdir sem miða að því að koma skipinu í skjól eða að taka ákvörðun um að hluta skipið niður og fjarlægja af Safnasvæðinu og/eða líta svo á að skipið sé ónýtt og farga því. Greinina í heild má lesa með því að smella hér. Greinargerð starfshóps sem skipaður var á síðasta ári til að fjalla um framtíð Kútters Sigurfara má lesa með því að smella hér. http://www.akranes.is/frettir/nr/125212 http://www.akranes.is/frettir/nr/125212 Tue, 07 Feb 2012 09:28:00 GMT Nýlega voru dagforeldrar á Akranesi á námskeiði um slys og veikindi barna en námskeiðið var haldið á vegum Rauða kross Íslands. Leiðbeinandi var Jóhanna Ólafsdóttir, hjúkrunarfræðingur. Námskeiðið er þáttur í símenntun dagforeldranna, sem eru mjög virkir hér á Akranesi. Í vikunni áður voru þeir t.d. á námskeiði í eldvörnum hjá Slökkviliði Akraness og Hvalfjarðarsveitar. Rétt er að vekja athygli á því að núna vantar fleiri í hóp dagforeldra á Akranesi þar sem þeir anna ekki eftirspurn eftir plássum í daggæslu. Meðfylgjandi mynd af hópi dagforeldra var tekin á námskeiðinu um slys og veikindi barna. http://www.akranes.is/frettir/nr/125186 http://www.akranes.is/frettir/nr/125186 Mon, 06 Feb 2012 15:27:00 GMT Í morgun kom stór hópur leikskólabarna frá leikskólunum á Akranesi saman við Stjórnsýsluhúsið á Stillholti og söng þar tvö lög fyrir gesti og gangandi. Þessi skemmtilega heimsókn var í tilefni af því að í dag er Dagur leikskólans, en þennan dag árið 1950 stofnuðu frumkvöðlar leikskólakennara á Íslandi sín fyrstu samtök og því er þessi dagur sérstaklega tileinkaður leikskólum landsins. Lögin sem börnin sungu í morgun voru Í leikskóla er gaman og Akranes - Akranes. Þá færðu þau Árna Múla Jónassyni, bæjarstjóra að gjöf veggspjald sem gefið var út í tilefni dagsins. Meðfylgjandi myndir voru teknar við þetta tækifæri. http://www.akranes.is/frettir/nr/125116 http://www.akranes.is/frettir/nr/125116 Fri, 03 Feb 2012 15:13:00 GMT Þann 6. febrúar árið 1950 stofnuðu frumkvöðlar leikskólakennara á Íslandi sín fyrstu samtök og í tilefni af því er þessi dagur sérstaklega tileinkaður leikskólum landsins og því mikilvæga starfi sem þar fer fram. Tilgangurinn með því að helga leikskólanum einn dag á ári er m.a. að auka jákvæða umræðu um leikskólann og vekja umræðu um hlutverk leikskóla og starf leikskólakennara. Leikskólastarf á Akranesi stendur í miklum blóma, hvergi eru hlutfallslega jafn margir leikskólakennarar starfandi, stöðugleiki í starfsmannahaldi hefur verið viðvarandi og mikil metnaður ríkir í öllu starfi. Foreldrakannanir sýna einnig mikla ánægju með þjónustu leikskóla bæjarins. Í tilefni dagsins munu leikskólabörn frá öllum leikskólum á Akranesi koma í opinbera heimsókn að Stjórnsýsluhúsinu við Stillholt 16 - 18 kl. 09:30 næstkomandi mánudag og syngja tvö lög. Eru Akurnesingar hvattir til að koma og taka þátt í þessum skemmtilega viðburði. http://www.akranes.is/frettir/nr/125044 http://www.akranes.is/frettir/nr/125044 Wed, 01 Feb 2012 17:58:00 GMT Fjölmennur fundur um almenningssamgöngur var haldinn í Safnaskálanum að Görðum þann 31. janúar sl. Til fundarins var boðað af hálfu Akraneskaupstaðar, m.a. til að kynna fyrirkomulag almenningssamgangna á milli Akraness og Reykjavíkur svo og fyrirhugaðar breytingar á þeirri þjónustu sem taka munu gildi í júní í sumar, þegar nýr þjónustuaðili tekur við akstrinum. Akraneskaupstaður hefur undanfarin ár verið í samstarfi við Strætó bs. um þjónustuna, en Strætó bs. hefur annast öll samskipti við þjónustuaðilann og dagleg samskipti við notendur. Því samstarfi verður framhaldið á milli aðila. Um 50 manns mættu til fundarins, aðallega dyggir notendur þjónustunnar, en einnig kjörnir fulltrúar úr bæjarstjórn Akraness og embættismenn. Framsögu á fundinum höfðu bæjarstjóri, fulltrúar Strætó bs. og fulltrúi VSÓ. Miklar umræður urðu á fundinum þar sem margir fundarmenn lýstu áhyggjum og miklum efasemdum um að forsvaranlegt væri að gera ráð fyrir að farþegar þyrftu að standa í vagninum á þessari leið. Umræðan var bæði málefnaleg og upplýsandi þó ljóst sé að skoðanir eru enn skiptar og svöruðu forsvarsmenn Strætó bs. og sérfræðingur á þeirra vegum fundarmönnum og skýrðu málin. Vitnað var til rannsókna og kannana í svörum sérfræðinga og er hægt að nálgast þessi gögn á eftirfarandi vefslóðum: Umferðarslys vöru og hópbifreiða Skånetrafiken Kollektivtrafik och trafiksäkerhet http://www.akranes.is/frettir/nr/124922 http://www.akranes.is/frettir/nr/124922 Mon, 30 Jan 2012 13:01:00 GMT Opinn kynningarfundur um strætó á milli Reykjavíkur og Akraness verður haldinn þriðjudaginn 31. janúar kl. 20:00 í Garðakaffi á safnasvæðinu á Akranesi. Til fundarins mæta fulltrúar Strætó bs. og kynna almenningssamgöngur á milli Reykjavíkur og Akraness. http://www.akranes.is/frettir/nr/124842 http://www.akranes.is/frettir/nr/124842 Fri, 27 Jan 2012 10:43:00 GMT Í gær kom bæjarstjórn Akraness saman til sérstaks hátíðarfundar í bæjarþingsalnum að Stillholti í tilefni af því að liðin voru nákvæmlega 70 ár frá fyrsta fundi fyrstu bæjarstjórnar Arkaness, þann 26. janúar 1942. Til fundarins var boðið öllum þeim sem setið hafa í bæjarstjórn frá upphafi og einnig þeim sem verið hafa bæjarstjórar. Fjöldi bæjarfulltrúa mætti til fundarins og þá var fjölmennur hópur fyrrum bæjarstjóra á fundinum. Í tilefni af hátíðarfundinum lagði bæjarstjórn fram eftirfarandi tillögu: ,,Bæjarstjórn Akraness samþykkir í tilefni 70 ára kaupstaðarafmælis Akraneskaupstaðar að veita framlag að fjárhæð 8 milljónir króna í sérstakan sjóð sem stofnaður verður vegna verkefnis um endurnýjun sýningarbúnaðar Bíóhallarinnar á Akranesi. Áætlaður heildarkostnaður vegna verkefnisins er 17-19 milljónir króna. Akraneskaupstaður verður bakhjarl verkefnisins og hefur umsjón með sjóðnum. Til styrktar sjóðnum verði efnt til söfnunarátaks, s.s. styrktartónleika auk þess sem leitað verður stuðnings hjá bæjarbúum og fyrirtækjum". Nánari upplýsingar um tillöguna má skoða hér. http://www.akranes.is/frettir/nr/124711 http://www.akranes.is/frettir/nr/124711 Wed, 25 Jan 2012 11:45:00 GMT Um sl. áramót voru 70 ár frá því að Akranes hlaut kaupstaðarréttindi og kom bæjarstjórn kaupstaðarins saman til síns fyrsta fundar þann 26. janúar það ár. Þeirra tímamóta verður minnst með sérstökum hátíðarfundi bæjarstjórnar Akraness á morgun, fimmtudag. Þangað er boðið öllum þeim sem setið hafa í bæjarstjórn Akraness sem og þeim sem verið hafa þar bæjarstjórar. Hátíðarfundurinn verður haldinn í bæjarþingsal Akraneskaupstaðar að Stillholti og hefst kl. 20:00 og er hann að sjálfsögðu öllum opinn eins og venjulega og eru bæjarbúar hvattir til að mæta. Fundinum verður útvarpað beint á FM 95.0 og þá er hægt að fylgjast með honum í beinni útsendingu á vef Akraneskaupstaðar. Raunar var áformað að efna til svolítillar veislu í tilefni dagsins og bjóða öllum bæjarbúum til veislunnar en þeim áformum hefur verið frestað vegna þess að þennan sama dag verður Sigursteinn Gíslason, knattspyrnumaðurinn sigursæli og vinamargi, borinn til grafar. Margir Akurnesingar syrgja þann góða dreng og því var ákveðið að hafa þennan fyrsta viðburð afmælisársins öllu lágstemmdari en til stóð. Akraneskaupstaður sendir fjölskyldu Sigursteins, aðstandendum og vinum innilegar samúðarkveðjur. http://www.akranes.is/frettir/nr/124534 http://www.akranes.is/frettir/nr/124534 Fri, 20 Jan 2012 13:56:00 GMT Bæjarráð og bæjarstjórn hafa fallið frá þeirri ákvörðun sinni að ráða í starf upplýsingatæknistjóra Akraneskaupstaðar sem auglýst var laust til umsóknar í lok árs 2011. Starfið var auglýst í framhaldi af greiningu og samkvæmt tillögum sérfræðings Admon ehf. á upplýsingatæknimálum Akraneskaupstaðar og stofnana hans. Til upplýsingar fylgir hér úttekt Admon ehf. á upplýsingatæknimálum kaupstaðarins, en hún var unnin í framhaldi af samþykkt bæjarstjórnar frá 4. janúar 2011 þar sem bæjarstjóra var falið að láta gera úttekt á upplýsingakerfum kaupstaðarins með samnýtingu og hagræðingu að leiðarljósi og möguleikum á frekari innleiðingu rafrænnar stjórnsýslu og þjónustu, eins og segir í tillögunni. Bæjarskrifstofan biður umsækjendur um starfið velvirðingar vegna þeirra óþæginda sem þeir hafa orðið fyrir vegna ofangreinds. http://www.akranes.is/frettir/nr/124356 http://www.akranes.is/frettir/nr/124356 Mon, 16 Jan 2012 21:00:00 GMT Orkuveita Reykjavíkur hefur sent út tæplega 60 þúsund álagningarseðla vatns- og fráveitugjalda vegna ársins 2012. Gjöldin skiptast á níu gjalddaga á árinu. Sá fyrsti er 2. febrúar og sá síðasti 2. nóvember. Hægt er að óska eftir að greiða gjöldin í einu lagi á miðju ári. Gjald fyrir þjónustuna hækkaði um áramót til samræmis við byggingavísitölu, eins og fyrri ár, og nemur hækkunin 10,69%.Algeng breyting vatns og fráveitugjalds:Fyrir 100 fermetra íbúð í Reykjavík hækkaði fráveitugjaldið um áramótin um sem nemur 3.878 krónum á árinu 2012 og vatnsgjaldið um 2.420 krónur. Samtals eru þetta 6.298 krónur eða 525 krónur á mánuði.Orkuveitan tók við innheimtu vatns- og fráveitugjalda í ársbyrjun 2011 en áður höfðu þau verið innheimt með fasteignagjöldum sveitarfélaga. Þau sveitarfélög þar sem fyrirtækið innheimtir gjöldin nú í annað skipti eru Reykjavík, Akranes, Borgarbyggð og Álftanes, þar sem Orkuveitan á og rekur vatnsveituna. Nú í ár bætist við innheimta á vatnsgjöldum í Stykkishólmi og í Grundarfirði, í Hvalfjarðarsveit og í Úthlíð í Biskupstungum.Alls er sendur út 59.401 álagningaseðill til 47.812 viðskiptavina.Breyting á álagningu í fyrraÞegar Orkuveitan tók við innheimtu gjaldanna var sú breyting gerð að álagning fráveitugjaldsins varð með sama móti og vatnsgjaldsins. Bæði eru sett saman úr fastagjaldi á hverja matseiningu í fasteignamati og síðan er greitt gjald á hvern fermetra húsnæðis. Fjárhæð gjaldsins er mismunandi eftir sveitarfélögum. Í Reykjavík er fastagjaldið 8.263,17 krónur árið 2012 og breytilega gjaldið 318,95 krónur á hvern fermetra á ári. Það þýðir að af 100 fermetra íbúð er heildargjaldið 40.158,17 kr. og á hvern gjalddaga falla því 4.462 krónur.Upplýsingasíða um vatns- og fráveitugjöldÁ heimasíðu Orkuveitu Reykjavíkur, www.or.is, er að finna sérstaka síðu með nánari upplýsingar um álagningu gjaldanna. Þar er einnig hægt að koma á framfæri spurningum og athugasemdum. Slóðin er http://www.or.is/Heimili/Innheimtavatnsogfraveitugjalda.Aðrir tenglar:Gjaldskrá vatnsveitu eftir gjaldsvæðumGjaldskrá fráveitu eftir gjaldsvæðum (Fréttatilkynning frá Orkuveitu Reykjavík) http://www.akranes.is/frettir/nr/124322 http://www.akranes.is/frettir/nr/124322 Mon, 16 Jan 2012 10:17:00 GMT Sameiginlegur kynningarfundur allra flokka í bæjarstjórn Akraness á fjárhagsáætlun ársins 2012 verður haldinn í kvöld, mánudaginn 16. janúar, í bæjarþingsalnum, Stillholti 16-18, 3. hæð. Fundurinn hefst kl. 20:00. Allir velkomnir! http://www.akranes.is/frettir/nr/124224 http://www.akranes.is/frettir/nr/124224 Wed, 11 Jan 2012 19:07:00 GMT Akraneskaupstaður hefur undanfarin ár tekið þátt í sérstakri þjónustukönnun, sem fyrirtækið Capacent hefur gert á meðal stærri sveitarfélaga á Íslandi, þar sem könnuð eru viðhorf íbúa til þeirrar þjónustu sem sveitarfélögin veita. Nýlega fór fram kynning á helstu niðurstöðum þessarar könnunar að viðstöddum bæjarfulltrúum, stjórnendum og forstöðumönnum stofnana kaupstaðarins. Af niðurstöðum hennar má sjá að íbúar á Akranesi telja bæinn standa býsna vel að mörgum málum, s.s. rekstri leik- og grunnskóla sem og einnig þjónustu við aldraða. Helstu niðurstöður umræddrar könnunar má skoða með því að smella hér. http://www.akranes.is/frettir/nr/124197 http://www.akranes.is/frettir/nr/124197 Wed, 11 Jan 2012 10:27:00 GMT Þjónusta Orkuveitu Reykjavíkur er víðast hvar komin í samt lag eftir að rafmagnstruflanir eða rafmagnsleysi í gærkvöldi og nótt röskuðu rekstri veitukerfa víða á Suður- og Vesturlandi. Um 30 starfsmenn Orkuveitunnar hafa keppst við að koma þjónustunni í viðunandi horf. Ennþá er unnið að því að koma hitaveitum á Vesturlandi í full afköst, í Stykkishólmi, á Akranesi og í byggðum Borgarfjarðar. Ófærð hefur hamlað því að tekist hafi að ræsa á ný hitaveituna í Úthlíð í Biskupstungum. Sex af sjö aflvélum Hellisheiðarvirkjunar, auk heitavatnsframleiðslunnar í virkjuninni, voru komnar í eðlilegan rekstur nú undir morgun.Því er beint til viðskiptavina hitaveitna Orkuveitunnar á Vesturlandi að fara sparlega heitt vatn eftir því sem kostur er og gæta að því að hafa dyr og glugga ekki opna lengur en nauðsyn krefur meðan full þjónusta er ekki fyrir hendi. Hér að neðan fer yfirlit yfir atburði gærkvöldsins og næturinnar: Ítrekaðar spennusveiflur frá flutningskerfi rafmagns frá klukkan 18:23 í gær ollu viðvarandi truflunum á rekstri virkjana og veitukerfa. Íbúar á höfuðborgarsvæðinu urðu varir við flökt á ljósum og jafnvel útslátt raftækja.Fyrsta spennuhöggið kom kl. 18:23 vegna bilunar í tengivirki Landsnets við Brennimel í Hvalfirði. Það olli rafmagnsleysi á Akranesi. Það varði í tæpa hálfa klukkustund. Þá komst rafmagn aftur á eftir varaleið frá Andakílsárvirkjun.Aftur kom högg á raforkukerfið um kl. 18:50. Þá sló Hellisheiðarvirkjun út auk hitaveitna á Suðurlandi. Undirbúningur að endurræsingu virkjunar hófst þegar í stað og var farið að keyra upp fyrstu vélarnar upp úr klukkan tíu. Allar aflvélarnar nema ein, auk varmaframleiðslunnar í virkjuninni, voru komnar í gang um kl. 5:00. Hitaveiturekstur komst í samt lag á flestum stöðum, þar á meðal í Hveragerði og í Þorlákshöfn, um miðnættið.Þriðja stóra höggið af sömu orsökum kom um kl. 21:25. Það olli útslætti hitaveitudæla á Höfuðborgarsvæðinu. Þær voru ræstar fljótlega að nýju en íbúar urðu þessa varir með því að þrýstingur á heita vatninu lækkaði sums staðar tímabundið. http://www.akranes.is/frettir/nr/124095 http://www.akranes.is/frettir/nr/124095 Mon, 09 Jan 2012 11:39:00 GMT Stjórn Strætó bs. ákvað á fundi sínum 16. desember síðastliðinn að hækka gjaldskrá sína. Þannig mun verð á tímabilskortum og afsláttarfarmiðum hækka um 10% að jafnaði 1. febrúar næstkomandi. Stök fargjöld haldast hins vegar óbreytt, eða 350 krónur. Hækkunin er liður í stefnu stjórnar þess efnis að auka hlut fargjaldatekna í rekstrarkostnaði Strætó bs. og að gjaldskrá haldi í við þróun almenns verðlags. Sjá gjaldskrá. Líkt og áður hefur komið fram hafa tekjur Strætó bs. af sölu fargjalda nánast staðið í stað frá árinu 2001 í krónum talið. Almennt verðlag hefur á sama tíma hækkað um tæp 80%. Stjórn Strætó telur mikilvægt að fargjöld og fargjaldatekjur fylgi almennum verðlagsbreytingum í landinu þegar til lengri tíma er litið. Þá hefur stjórnin haft það markmið að strætisvagnafargjöld séu í takt við það sem gerist í helstu nágrannalöndum. Þar standa fargjaldatekjur víða undir mun hærra hlutfalli af kostnaði en hér á landi. Algengt er að fargjaldatekjur í nágrannalöndunum standi undir 40-60% af rekstrarkostnaði. Hjá Strætó er samsvarandi hlutfall nú um 25%. „Farþegum hefur fjölgað mikið undanfarin misseri og mælist fjölgun farþega milli áranna 2010 og 2011 tæplega 20 af hundraði. Strætó bs. hefur brugðist við auknum farþegafjölda með aukinni þjónustu, einkum á annatímum. Fyrirhuguð er enn frekari efling þjónustunnar á þessu ári og áframhaldandi endurnýjun vagnakosts. Þá munu líta dagsins ljós ýmsar tækninýjungar sem munu létta viðskiptavinum lífið við notkun þjónustunnar. Einnig er rétt að minna á að ennþá hefur það stórkostlegan fjárhagslegan sparnað í för með sér að nota strætó frekar en einkabílinn,“ segir Guðrún Ágústa Guðmundsdóttir, stjórnarformaður Strætó bs. Nánari upplýsingar veita:Guðrún Ágústa Guðmundsdóttir, stjórnarformaður Strætó bs., í síma 664 5549, og Reynir Jónsson, framkvæmdastjóri Strætó bs., í síma 897 3038. (Fréttatilkynning frá Strætó bs.) http://www.akranes.is/frettir/nr/124035 http://www.akranes.is/frettir/nr/124035 Fri, 06 Jan 2012 13:12:00 GMT Árleg Þrettándagleði á Akranesi var haldin í gær á „Þyrlupallinum“ á Jaðarsbökkum að viðstöddum fjölda fólks. Við þetta tækifæri afhenti Ární Múli Jónasson, bæjarstjóri Menningarverðlaun Akraness árið 2011 en það var Lárus Sighvatsson, skólastjóri Tónlistarskólans á Akranesi sem hlaut verðlaunin að þessu sinni. Árlega veitir Akraneskaupstaður sérstaka viðurkenningu - „Menningarverðlaun Akraness“ til þeirra einstaklinga, fyrirtækja eða félagasamtaka sem skarað hafa fram úr með framlagi sínu eða starfsemi í þágu menningar og listalífs á Akranesi á ári hverju.Það er stjórn Akranesstofu sem hefur umsjón með útnefningunni, sem staðfest var af bæjarstjórn Akraness. Lárus er vel að þessum verðlaunum kominn, enda hefur ekki aðeins verið farsæll í starfi sínu sem skólastjóri Tónlistarskólans, þar sem honum hefur tekist með frábæru starfsfólki sínu að skapa aðstöðu og umgjörð fyrir fyrsta flokks tónlistarkennslu af ýmsum toga. Nemendur skólans hafa farið víða og hvarvetna vakið athygli fyrir hæfileika sína - og er það ekki síst til marks um þann metnað sem lagður er í kennslu og aðra starfsemi í Tónlistarskólanum á Akranesi. Þetta er ekki hvað síst að þakka Lárusi og hans fólki. Lárus hefur um árabil verið einn af máttarstólpum tónlistarlífs á Akranesi, stutt við bakið á tónlistarfólki á öllum aldri og staðið fyrir fjölmörgum tónlistartengdum viðburðum innan veggja tónlistarskólans jafnt sem utan. Ekki má svo gleyma því að Lárus er sjálfur tónlistarmaður og á að baki farsælan feril sem slíkur. http://www.akranes.is/frettir/nr/124000 http://www.akranes.is/frettir/nr/124000 Thu, 05 Jan 2012 18:30:00 GMT Snorri Guðmundsson, dýraeftirlitsmaður á Akranesi, er þessa dagana að fræða leikskólabörn í bænum um hvernig þau eigi að umgangast hunda og um hugsanlegar hættur sem af þeim geta stafað. Snorri byrjaði fræðslu sína í leikskólanum Teigaseli í morgun og fer síðan í aðra leikskóla bæjarins. Í þessar heimsóknir hefur hann meðferðis þá Mugg og Barón, tveggja ára vel agaða labradorhunda sem hann á sjálfur. Snorri, sem gegnt hefur starfi dýraeftirlitsmanns á Akranesi frá síðasta hausti, kveðst hafa verið með það í huga í nokkurn tíma að svona fræðsla væri nauðsynleg. Aðspurður sagði hann að nýlegt mál varðandi dobermanhund, sem þurfti að aflíka á Akranesi eftir að hafa bitið sex ára barn, hafi ýtt undir að byrjað var á þessari fræðslu einmitt nú. Snorri sagði að hægt væri að komast hjá slysum og óhöppum sem slíkum, með fræðslu þar sem börnum væri kennt að umgangast dýr og þau frædd um þær hættur sem af þeim stafaði ef ógætilega væri farið. http://www.akranes.is/frettir/nr/123905 http://www.akranes.is/frettir/nr/123905 Tue, 03 Jan 2012 13:45:00 GMT Hin árlega Þrettándabrenna á Akranesi, með tilheyrandi álfa- og trölladansi og glæsilegri flugeldasýningu verður við "Þyrlupallinn" á Jaðarsbökkum fimmtudaginn 5. janúar 2012. Vinsamlegast athugið að Þrettándagleðin er færð fram um einn dag vegna þess að ekki er útlit fyrir að veðurfar á föstudaginn henti til brennu- eða flugeldasýninga. Blysför hefst við Þorpið, Þjóðbraut 13 kl. 18:00 (stundvíslega) og endar við Jaðarsbakka (við þyrlupall) þar sem kveikt verður í brennu og jólin kvödd. Fyrir göngunni fara álfakóngur og -drottning, álfar, Grýla og Leppalúði, jólasveinar, tröll og púkar. Krakkar! Klæðið ykkur eins og ykkur langar til, mætið síðan í gönguna og takið mömmu og pabba með! Flugeldasýning og brennaGlæsileg flugeldasýning verður um kl. 18:45 í umsjón Björgunarfélags Akraness, sem einnig hefur umsjón með brennunni. Af óviðráðanlegum orsökum hefur kjöri á Íþróttamanni Akraness, sem jafnan hefur farið fram í kjölfar Þrettándagleðinnar, verið frestað um óákveðinn tíma. http://www.akranes.is/frettir/nr/123860 http://www.akranes.is/frettir/nr/123860 Mon, 02 Jan 2012 13:10:00 GMT Með nýju rauntímakorti á vef Strætó bs. er nú hægt að fylgjast með ferðum strætisvagna í rauntíma. Þannig geta strætófarþegar með hjálp nýjustu tækni séð hvar vagninn sem þeir ætla að taka sér far með er staddur á hverjum tíma. GPS-búnaður sem nú er um borð í öllum vögnum gerir farþegum kleift að fylgjast með ferðum vagnanna á vefnum www.straeto.is Staðsetning vagnanna er uppfærð á u.þ.b. tíu sekúndna fresti, svo nákvæmnin er mikil. Einnig er unnið að nýrri útgáfu Leiðarvísis á vef Strætó og munu rauntímaupplýsingar einnig verða aðgengilegar þar á næstu mánuðum. Samfara því er ráðgert að bjóða upp á viðbætur (apps) fyrir flestar gerðir snjallsíma sem gerir viðskiptavinum kleift að fylgjast með ferðum vagnanna í farsímanum. Sjá nánar í fréttatilkynningu frá Strætó bs.