http://www.akranes.is/frettir/ Nepal vefumsjón - www.nepal.is http://www.akranes.is/frettir/nr/128619 http://www.akranes.is/frettir/nr/128619 Sat, 12 May 2012 21:00:00 GMT Niðurstöður úr könnun á Stofnun ársins voru kynntar á Hilton hóteli síðdegis a föstudag. Það er SFR, stéttarfélag í almannaþjónustu, sem stendur fyrir þessari könnun ásamt VR, ríkinu og Starfsmannafélagi Reykjavíkurborgar. Um er að ræða eina stærstu vinnumarkaðskönnun hér á landi. Þetta er í sjöunda sinn sem SFR tekur þátt í könnuninni en tæplega 50 þúsund starfsmenn á almennum og opinberum vinnumarkaði fengu könnunina senda. Könnun SFR tekur mið af niðurstöðum 5500 ríkisstarfsmanna en tekur nú til allra starfsmanna ríkisstofnana óháð stéttarfélagsaðild. Leikskolinn Garðasel hlaut viðurkenningu sem Stofnun ársins 2012 - borg og bær - í flokki meðal stórra stofnana og Grundaskóli hlaut sömu viðurkenningu í flokki stórra stofnana. Brekkubæjarskóli og leikskolinn Vallarsel hlutu einnig viðurkenningar en þau voru í 3. sæti í sínum flokki. Þessi árangur skólanna er sérlega ánægjulegur og mikil viðurkenning fyrir öflugt skólastarf á Akranesi. Hér má sjá niðurstöður úr könnunni í heild sinni. http://www.akranes.is/frettir/nr/128472 http://www.akranes.is/frettir/nr/128472 Wed, 09 May 2012 14:00:00 GMT Á síðasta fundi bæjarstjórnar Akraness, þriðjudaginn 8. maí 2012, voru ársreikningar Akraneskaupstaðar og stofnana hans fyrir árið 2011 teknir til umfjöllunar við fyrri umræðu. Ársreikningurinn er settur fram samkvæmt reikningsskilum sveitarfélaga. Starfseminni er skipt upp í tvo hluta, A-hluta annars vegar og B-hluta hins vegar. Til A-hluta telst starfsemi sem að hluta eða öllu leyti er fjármögnuð með skatttekjum. Um er að ræða aðalsjóð, Eignasjóð, Gámu, Byggðasafn og Fasteignafélag slf. Til B-hluta teljast fjárhagslega sjálfstæð fyrirtæki sem að hálfu eða meirihluta eru í eigu sveitarfélagsins en rekstur þeirra er að stofni til fjármagnaður með þjónustutekjum. Fyrirtækin eru: Fasteignafélag ehf, Háhiti ehf og Höfði hjúkrunar- og dvalarheimili. Heildartekjur í samanteknum ársreikningi voru árið 2011 alls um 4.445 m.kr. eða 238 m.kr. hærri en fjárhagsáætlun sagði til um. Rekstrarútgjöld voru 4.554 m.kr. eða 290 m kr. hærri en fjárhagsáætlun gerði ráð fyrir. Rekstrarafkoma fyrir fjármagnsliði var um 109 m kr. halli á móti um 56 m.kr. í fjárhagsáætlun sem er 52 m.kr. lakari afkoma. Heildarafkoma var þannig neikvæð um 194,7 m.kr. á móti um 75,9 m.kr. í fjárhagsáætlun, eða 118,8 m kr. lakari afkoma en endurskoðuð fjárhagsáætlun gerði ráð fyrir. Handbært fé frá rekstri var um 375,0 m.kr., fjárfestingarhreyfingar voru nettó um 700 m.kr. og fjármögnunarhreyfingar voru um 9,9 m.kr. nettó, þar af afborganir langtímalána 459,5 m.kr. Tekin voru ný langtímalán 608,6 m.kr. á árinu 2011. Handbært fé í árslok er um 518,1. m.kr. og hafði lækkað um 315,2 m.kr. á árinu. Heildareignir Akraneskaupstaðar í árslok 2011 voru 11.557 m.kr. Skuldir og skuldbindingar voru samtals um 6.298 m.kr., þar af langtímaskuldir um 2.555 m.kr. og lífeyrisskuldbindingar um 2.908 m.kr. Eigið fé var í árslok um 5.259 m.kr. og hafði lækkað um 121,0 m.kr. frá árinu 2010. Eigið fé er 45,51% í heild sinni. Heildarlaunagreiðslur með launatengdum gjöldum hjá Akraneskaupstað voru 2.603,5 m.kr. Fjöldi stöðugilda var að meðaltali 473 sem er fjölgun um 64 frá fyrra ári. Laun og launatengd gjöld sveitarfélagsins ásamt lífeyrisskuldbindingu, í hlutfalli við rekstrartekjur þess voru 64,4%. Annar rekstrarkostnaður var 33,0% af rekstrartekjum. Skatttekjur sveitarfélagsins voru 516 þús.kr. á hvern íbúa en heildartekjur samtals 678 þús.kr. á hvern íbúa. Árið 2010 voru skatttekjurnar 491 þús.kr. á hvern íbúa og heildartekjurnar 635 þús.kr. Samkvæmt sveitarstjórnarlögum skal fjalla um ársreikninginn á tveimur fundum í sveitarstjórn og verður hann til umfjöllunar í bæjarstjórn Akraness að nýju þann 22. maí nk. Skoða má samstæðu ársreikninginn í heild sinni hér. Lesa má ræðu bæjarstjóra hér. http://www.akranes.is/frettir/nr/128347 http://www.akranes.is/frettir/nr/128347 Mon, 07 May 2012 10:39:00 GMT Miðvikudaginn 2. maí sl. var haldinn á bæjarskrifstofum Akraneskaupstaðar upplýsinga- og umræðufundur um eftirlit með gæðum neysluvatns á Akranesi. Bæjarstjórinn á Akranesi boðaði til fundarins og mættu á fundinn fulltrúar frá Orkuveitu Reykjavíkur, Heilbrigðiseftirliti Vesturlands, Umhverfisstofnun, Hvalfjarðarsveit, Faxaflóahöfnum sf., Umhverfisvaktinni í Hvalfirði, auk fulltrúa úr bæjarstjórn og umhverfisnefnd Akraneskaupstaðar og embættismanna kaupstaðarins. Á fundinum gerðu fulltrúar Orkuveitu Reykjavíkur, Heilbrigðiseftirlits Vesturlands og Umhverfisstofnunar grein fyrir hvernig sýnatökum, greiningum og eftirliti með gæðum neysluvatns á Akranesi hefur verið og er háttað. Í máli þeirra kom fram að ítarlegar mælingar og athuganir sem gerðar eru samkvæmt viðurkenndum aðferðum og gæðakerfum sýna að gæði neysluvatnsins eru mikil og magn aukaefna í því lítið og langt undir leyfðum mörkum og þá bendir ekkert til að þau fari vaxandi. Í máli fyrrnenfndra aðila kom einnig fram að engin rökleg ástæða er til að ætla að aukaefni verði meiri í neysluvatninu í hláku og raunar megi færa rök fyrir því gagnstæða því að þegar snjóa leysir í Akrafjalli berist vatnið víðar að. Bæjarstjórinn á Akranesi upplýsti að þrátt fyrir þetta hefðu bæjaryfirvöld á Akranesi ákveðið að láta taka sýni úr neysluvatninu í hlákutíð og láta greina það til að sannreyna þetta mat vísindamanna og eftirlitsstofnana og eyða þar með öllum vafa um þetta atriði. Í lok fundarins þakkaði bæjarstjóri öllum þátttakendum á fundinum fyrir greinargóðar upplýsingar og gagnlegar umræður. Hann sagði mjög gott að heyra hversu gott neysluvatn Akurnesinga væri og traustvekjandi að heyra og sjá hversu vel væri staðið að eftirliti með gæðum þess. Bæjarstjóri lagði áherslu á mikilvægi þess að eftirlitsaðilar héldu vöku sinni sem og bæjaryfirvöld á Akranesi. Hann sagði að opinská umræðu um þessi mál, byggð á traustum upplýsingum, væri góð og nauðsynleg en einnig væri afar mikilvægt að ekki væri vakinn ótti og efasemdir hjá fólki og fyrirtækjum að ástæðulausu því að með því væri vegið að mjög miklum hagsmunum íbúa og atvinnulífs á Akranesi. http://www.akranes.is/frettir/nr/128221 http://www.akranes.is/frettir/nr/128221 Thu, 03 May 2012 09:39:00 GMT Auglýsing um útboð: Akraneskaupstaður óskar eftir tilboðum í verkið:AkraneskaupstaðurÚtboðHýsing og rekstur miðlægs búnaðar og útstöðvaAfritunRekstur netkerfis Verkið er fólgið í hýsingu og rekstri miðlægs tölvuumhverfis Akraneskaupstaðar og stofnana hans, þjónustu við notendur og vegna útstöðva og prentara, afritun og endurheimt gagna svo og rekstur netkerfis og IP-símstöðvar. Verkið er boðið út í eftirfarandi hlutum, sem hver um sig verður metin sérstaklega: • Hýsing og rekstur miðlægs búnaðar og útstöðva• Afritun gagna miðlægs búnaðar• Rekstur netkerfis Samningur verður gerður til þriggja ára við þá aðila sem gerir hagstæðasta tilboð í hvern hluta miðað við uppgefnar kröfur og matslíkan. Möguleiki er á framlengingu samnings til eins árs í senn, að hámarki 2 ár. Upphaf verks skal vera í lok ágúst 2012.Útboðsgögn verða afhent á skrifstofu Akraneskaupstaðar, Stillholti 16-18, 300 Akranesi, frá hádegi miðvikudaginn 2. maí 2012. Verð útboðsgagna er kr. 2000. Útboðsgögn er einnig hægt að nálgast ókeypis á heimasíðu Akraneskaupstaðar á rafrænu formi: Útboðsgögn Tilboð verða opnuð á á skrifstofu Akraneskaupstaðar, Stillholti 16-18, 300 Akranesi, föstudaginn 22. júní 2012 kl 14:00 að viðstöddum þeim bjóðendum sem þess óska. Þeir sem sækja úboðsgögn á netinu eru vinsamlega beðnir um að staðfesta það með tölvupósti til ragnheidur.thordardottir@akranes.is, svo hægt sé að láta vita ef breytingar verða á útboðsgögnum. Sérstök athygli er vakin á því að opinn kynningarfundur fyrir bjóðendur um útboðið verður haldinn þriðjudaginn 22.maí kl 10:00 á skrifstofu Akraneskaupstaðar, Stillholti 16-18, 300 Akranesi . http://www.akranes.is/frettir/nr/128179 http://www.akranes.is/frettir/nr/128179 Wed, 02 May 2012 12:03:00 GMT Um síðustu helgi var sk. Atvinnu- og nýsköpunarhelgi haldin í sal Fjölbrautaskóla Vesturlands á Akranesi. Guðbjartur Hannesson velferðarráðherra flutti opnunarávarp og Kristján F. Kristjánsson framkvæmdastjóri Innovit kynnti verkefnið. Helgin var vettvangur fyrir fólk með viðskiptahugmyndir, þar sem þátttakendur fengu meðal annars aðstoð við að koma hugmyndum sínum á framfæri og gátu nýtt sér krafta hvers annars við að koma hugmyndum í framkvæmd. Mikill áhugi var á verkefninu á meðal fólks því alls voru liðlega 50 þátttakendur skráðir til leiks um helgina. Verulegur árangur vannst í að þróa viðskiptahugmyndirnar með aðkomu 10 leiðbeinenda úr ýmsum áttum. 22 hugmyndir voru kynntar á föstudagskvöldið, sextán teymi unnu að hugmyndum sínum yfir helgina og 15 hugmyndir voru loks kynntar á sunnudeginum. Veittar voru viðurkenningar og bókaverðlaun fyrir þrjú efstu sætin, bestu kynninguna, val fólksins og fyrir þá hugmynd sem náði mestum árangri yfir helgina að mati dómnefndar. Hér er yfirlit yfir þær hugmyndir sem voru verðlaunaðar: 1. verðlaun - Rós í hnappagatið – Dýrfinna Torfadóttir Blómavasi sem fer lítið fyrir. 2. verðlaun - LIFE – Helgi Vilberg Helgason Skúlptúr sem samanstendur af fjórum stöfum sem mynda orðið LIFE með slagorðinu what are you going to do with your life. 3. verðlaun - Ísland Treasures - Pauline McCarthy, Benedikt Scheving Þorsteinsson, Nína Tadsen, Tuyet Nguyen, Tryggvi Sigfússon, Þorgerður Sigurðardóttir. Íslenskt sælgæti fyrir erlenda ferðamenn. Val Fólksins - LIFE - Helgi Vilberg Helgason Besta kynningin - Radio Iceland - Magnús Dan Ómarsson Útvarpsstöð fyrir erlenda ferðamenn. Mesti árangur yfir helgina - Cuddle Me Close - Valdís Ösp Jónsdóttir og Una Guðlaug Sveinsdóttir. Samfella sem kennir ungbarnanudd. Kári Steinn Reynisson frá Landsbankanum tilkynnti úrslitin og veitti verðlaun og Árni Múli Jónasson bæjarstjóri flutti ávarp í lok atvinnu- og nýsköpunarhelgarinnar. Mikil ánægja var með þennan viðburð, framkvæmd og niðurstöður og ljóst að þátttakendur lærðu margt af því sem þarna var lagt fram til kynningar, m.a. hvernig standa ætti að því að þróa hugmynd í átt til framkvæmdar og hvar finna mætti hjálpargögn og leiðbeiningar til þess, ekki síst á netinu. Vonandi verður þessi gagnlega helgi til þess að fleiri góðar hugmyndir komist á legg og á framkvæmdastig. A.m.k. virðist góður jarðvegur fyrir frumlegar og góðar hugmyndir á Akranesi. http://www.akranes.is/frettir/nr/128112 http://www.akranes.is/frettir/nr/128112 Mon, 30 Apr 2012 09:47:00 GMT Velferðarráðuneytið og Vinnumálastofnun auglýsa 500 sumarstörf fyrir námsmenn laus til umsóknar í átaksverkefni ráðuneyta og stofnana þeirra. Sveitarfélög bjóða einnig sumarstörf fyrir námsmenn og atvinnuleitendur á grundvelli verkefnisins og eru störf á þeirra vegum um 400. Opnað verður fyrir umsóknir á vef Vinnumálastofnunar mánudaginn 30. apríl. Á heimasíðu Vinnumálastofnunnar er einnig hægt að finna yfirlit yfir þau sveitarfélög sem bjóða um 400 sumarstörf fyrir námsmenn og atvinnuleitendur á grunni þessa verkefnis. Ráðningartíminn er tveir mánuðir í júní og júlí. Skilyrði fyrir ráðningu námsmanna er að þeir séu á milli anna í námi en atvinnuleitendur þurfa að vera á skrá Vinnumálastofnunar með staðfestan bótarétt. Frestur til að sækja um störf er til 14. maí. Stefnt er að því að ljúka ráðningum um miðjan maí. Nánari upplýsingar eru á vef Vinnumálastofnunar. (frétt af vef velferðarráðuneytisins) http://www.akranes.is/frettir/nr/128071 http://www.akranes.is/frettir/nr/128071 Fri, 27 Apr 2012 13:40:00 GMT Freyja Haraldsdóttir framkvæmdastjóri og Gísli Björnsson, varaformaður stjórnar NPA miðstöðvarinnar, heimsóttu starfsmenn Akraneskaupstaðar fimmtudaginn 26. apríl s.l. Sagði Gísli frá lífi sínu með notendastýrða persónulega aðstoð sem hann er búinn að vera með í eitt ár. Lýsti hann breytingum á lífi sínu frá því hann var vistmaður á sambýli og þar til hann fékk sína eigin íbúð og notendastýrða persónulega aðstoð. Í dag lifir hann hamingjusömu lífi, er virkur í samfélaginu og lifsgæði hans hafa aukist til muna við slíka þjónustu NPA. Freyja Haraldsdóttir sagði frá hugmyndafræði NPA. NPA miðstöðin byggir vinnu sína á hugmyndafræði um sjálfstætt líf (Independent living) og á rætur að rekja til mannréttindabaráttu fólks með fötlun á 8. áratug 20. aldar. Miðar sú hugmyndafræði að því að Allar manneskjur óháð, eðli og alvarleika skerðingar, geti tekið eigin ákvarðanir, stjórnað eigin aðstoð og mótað eigin lífsstíl. Allar manneskjur hafi rétt á að búa í samfélaginu, stjórna eigin lífi og taka þátt á öllum sviðum þess. Fatlað fólk ákveður og velur hvernig þjónustu það fær. Valdið færist frá þjónustukerfinu til fatlaðs fólks (sjá www.npa.is). Frásagnir þeirra tveggja vöktu mikla athygli og ljóst að Akraneskaupstaður mun áfram fylgjast með þróun þessarar þjónustu og sækjast eftir að vera með í tilraunaverkefnum ef tækifæri gefst. http://www.akranes.is/frettir/nr/128009 http://www.akranes.is/frettir/nr/128009 Thu, 26 Apr 2012 11:44:00 GMT Helgina 27.-29. apríl nk. verður haldin atvinnu- og nýsköpunarhelgi á Akranesi. Að helginni standa Innovit og Landsbankinn í samstarfi við Akraneskaupstað en fjöldi fyrirtækja og félagasamtaka á svæðinu veitir verkefninu einnig margvíslegan stuðning. Kynningarfundur verður haldinn í útibúi Landsbankans á Akranesi fimmtudaginn 26. apríl kl. 17:30-18:00. Atvinnu- og nýsköpunarhelgin er opin fyrir alla; fyrir þá sem eru með viðskiptahugmynd og þá sem hafa áhuga á að leggja sitt að mörkum við að fullmóta viðskiptahugmyndir annarra. Sérfræðingar Landsbankans og Innovit munu veita ráðgjöf sem og fjöldi frumkvöðla og annarra sérfræðinga. Verðlaun og viðurkenningar verða veitt í nokkrum flokkum. Í framhaldi geta þátttakendur haldið áfram að þróa sínar viðskiptahugmyndir og fengið til þess ráðgjöf frá Innovit og Landsbankanum með það að markmiði að sem flestar viðskiptahugmyndir verði að veruleika. Þátttaka er ókeypis. Dagskrá og aðrar upplýsingar um viðburðinn má skoða með því að smella hér. http://www.akranes.is/frettir/nr/127782 http://www.akranes.is/frettir/nr/127782 Fri, 20 Apr 2012 11:00:00 GMT Sýningin List án landamæra opnar í Bókasafni Akraness laugardaginn 21. apríl nk. kl. 11:00. Sýningin verður opin á opnunartíma bókasafnsins fram til 28. apríl 2012. Eftirtaldir aðilar taka þátt í sýningunni: Myndlistarskólinn á Akranesi, Smári Jónsson, listmálari, þátttakendur á námskeiðum hjá Símenntunarmiðstöðinni á Vesturlandi, verkefnið Gaman saman, Endurhæfingarhúsið Hver, Fjöliðjan og nemendur Fjölbrautaskóla Vesturlands. List án landamæra er árleg listahátíð með áherslu á fjölbreytileika mannlífsins og er hún haldin víða um land. Allir sem vilja geta tekið þátt en á hátíðinni vinnur listafólk saman að allskonar list með fjölbreyttri útkomu. Eitt helsta leiðarljós hátíðarinnar er að stuðla að auðugra samfélagi og auknum skilningi manna á milli. Hátíðin er vettvangur eða þak yfir viðburði og hefur það að markmiði að vera síbreytileg og lifandi. Meðal dagskrárliða hátíðarinnar á Akranesi má nefna: Föstudagur 20. apríl kl. 16:00 - 18:00 - Húsnæði Bónuss Kynning og sala á verkum sýnenda Laugardagur 21. apríl kl. 11:00 - Bókasafn Akraness Formleg opnun sýningarinnar List án landamæra á Akranesi . Árni Múli Jónasson, bæjarstjóri flytur ávarp, tónlistaratriði og kvikmyndasýning í Tónbergi kl. 12:00. Sunnudagur 22. apríl kl. 13:00 - 17:00 - Reynigrund 15 Akranesi Opin vinnustofa Smára Jónssonar, listmálara. Mánudagur 23. apríl og fimmtudagur 26. apríl kl. 10:00 - 12:00 - Húsnæði Bónuss Nemendur starfsbrautar Fjölbrautaskóla Vesturlands sýna og selja verk sín. Auk þess mun hópurinn ,,Gaman saman“ vera með uppákomur í Bókasafni Akraness dagana á meðan á sýningu stendur. Fólk er hvatt til að kynna sér þær bækur um listir og handverk sem Bókasafn Akraness hefur upp á að bjóða og taka virkan þátt í viðburðum hátíðarinnar, sem haldin er á vegum Akraneskaupstaðar í samstarfi við List án landamæra og með stuðningi frá Menningarráði Vesturlands. http://www.akranes.is/frettir/nr/127398 http://www.akranes.is/frettir/nr/127398 Tue, 10 Apr 2012 10:23:00 GMT Á dögunum kom saman vaskur hópur íbúa af Víðigrund og Leynisbraut til gróðursetningar á liðlega 80 asparplöntum á sk. Leynislækjarflöt, en plönturnar eru gjöf frá Faxaflóahöfnum og koma af Grundartangasvæðinu. Að verkinu komu einnig vélaverktakar sem lögðu til tæki og tól til verksins. Þarna kom saman fólk á öllum aldri og lét verkin tala - svo vægt sé til orða tekið. Verkefnið fólst í að grafa djúpar holur fyrir trén, sem öll voru há og glæsileg og að því loknu að moka í þær nauðsynlegum húsdýraáburði og gróðursetja svo trén undir leiðsögn og verkstjórn Írisar Reynisdóttur, garðyrkjustjóra sem einnig skipulagði svæðið. Óhætt er að segja að Leynislækjarflötin hafi tekið á sig nýja mynd en áformað er, þegar fram líða stundir, að koma þar fyrir bekkjum og borðum og huga betur að leiksvæði og sparkvelli. Stefnt er að því að ljúka verkinu laugardaginn 14. apríl nk. en þá ætla íbúar á svæðinu að koma saman á flötinni, klára gróðursetningu og frágang og fagna að góðu verki loknu. Ástæða er til að þakka íbúum við Víðigrund og Leynisbraut og öðrum sem komu að þessu verki fyrir þetta lofsverða framtak. http://www.akranes.is/frettir/nr/127100 http://www.akranes.is/frettir/nr/127100 Thu, 29 Mar 2012 14:00:00 GMT Bæjarstjórn Akraness samþykkti á fundi sínum 27. mars sl. siðareglur fyrir kjörna fulltrúa hjá Akraneskaupstað í samræmi við 29. gr. sveitarstjórnarlaga nr. 138/2011 sem kveða á um að sveitarstjórn skuli setja sér siðareglur. Markmið þessara reglna er að skilgreina það hátterni og viðmót sem kjörnum fulltrúum ber að sýna við störf sín á vegum Akraneskaupstaðar og að upplýsa íbúa um þær kröfur sem gerðar eru til fulltrúanna. Með kjörnum fulltrúum er átt við bæjarfulltrúa sem og alla aðra sem kjörnir eru eða valdir til setu í nefndum, ráðum og stjórnum á vegum Akraneskaupstaðar. Siðareglurnar taka gildi við samþykkt innanríkisráðuneytis en þær verða sendar þangað til staðfestingar. http://www.akranes.is/frettir/nr/127010 http://www.akranes.is/frettir/nr/127010 Mon, 26 Mar 2012 11:17:00 GMT Segja má að stóri vitinn á Breiðinni á Akranesi, sem tekinn var í notkun árið 1946, hafi fengið nýtt hlutverk sl. laugardag þegar gestum og gangandi bauðst að fara upp í vitann og njóta hins einstaka útsýnis þaðan úr yfir Faxaflóann og raunar til allra átta. Það voru félagar úr „Vitanum“, félagi áhugaljósmyndara á Akranesi sem stóðu fyrir þessum skemmtilega viðburði en alls komu tæplega 200 gestir í vitann á laugardaginn. Mikil ánægja var með framtakið og að sögn aðstandenda voru nokkrir sem brustu í söng og hljóðfæraleik inni í vitanum, en í daglegu tali er raunar oftast talað um hann sem „nýja vitann“ til aðgreiningar frá þeim eldri, sem er frá árinu 1918 og stendur utar á sk. Suðurflös út frá Breiðinni. Nýlega voru þau Rut Berg og Lárus Sighvatsson, skólastjóri Tónlistarskólans á Akranesi í vitanum til að kanna hljómburðinn þar og má með sanni segja að vitinn hafi komið þeim á óvart sem tónleikahús því hljómburður í vitanum ku vera einstakur. Má segja að með þessu bætist við enn eitt aðdráttaraflið á þessum einstaka stað sem Breiðin er. Fjallað var um vitann og tónlistarflutning þeirra í fréttum Ríkisútvarpsins um helgina. Smellið hér til að hlusta á fréttina og þverflautuleik Rutar Berg í stóra vitanum á Breiðinni. Það var Friðþjófur Helgason sem gerði myndbandið. http://www.akranes.is/frettir/nr/126937 http://www.akranes.is/frettir/nr/126937 Fri, 23 Mar 2012 11:00:00 GMT Verklagsreglur um ráðningar hjá Akraneskaupstað voru samþykktar í bæjarstjórn Akraness þann 13. mars sl. Markmiðið með verklagsreglum þessum er að tryggja skipulögð og samræmd vinnubrögð þeirra sem koma að ráðningum í störf á vegum sveitarfélagsins og stofnunum þess. Ráðning í störf hjá Akraneskaupstað og stofnunum hans er ákvörðun í skilningi stjórnsýslulaga og lýtur þar af leiðandi þeim grundvallarreglum sem lögfestar eru í stjórnsýslulögunum um meðferð mála hjá stjórnvöldum og undirbúningi að töku ákvarðana. Markmiðið með vönduðu ráðningaferli er að hæfasti umsækjandi um hvert starf hjá kaupstaðnum sé í það ráðinn með hagsmuni almennings og góða stjórnsýsluhætti að leiðarljósi og að tryggja að gætt sé fagmennsku og jafnræðis við undirbúning og töku ákvarðana varðandi ráðningar. Sjá verklagsreglur http://www.akranes.is/frettir/nr/126729 http://www.akranes.is/frettir/nr/126729 Mon, 19 Mar 2012 13:17:00 GMT Um helgina varð ljóst að það verða Skallagrímur og ÍA sem eigast við í úrslitum 1. deildar karla í körfuknattleik þetta árið en liðin unnu bæði báða sína undanúrslitaleiki. ÍA tók á móti Hamarsmönnum úr Hveragerði á sunnudaginn og vann 86:72 og er þar með komið í úrslitaleikinn um það hvaða lið fylgja KFÍ upp í úrvalsdeild að ári. Andstæðingurinn er eins og áður segir lið Skallagríms úr Borgarnesi, ein liðið lagði Hött á Egilsstöðum 77:88.Þar með er ljóst að nágrannaliðin mætast í lokabaráttunni um að fylgja KFÍ upp um deild að ári. Það lið sem fyrr vinnu tvo leiki fer upp og hefjast leikar í Borgarnesi föstudaginn 23. mars næstkomandi. Leikið verður svo aftur á sunnudaginn á Akranesi þann 25. mars og ef þarf, verður oddaleikurinn þriðjudaginn 27. mars.ÍA, sem eru nýliðar í 1. deild í ár eftir sigur í 2. deild í fyrra, léku síðast í úrvalsdeild tímabilið 1999-2000 og hafa alls sjö sinnum leikið í efstu deild. Skallagrímur var síðast í Iceland Express-deildinni árið 2008-2009 og hefur alls 16 sinnum leikið í efstu deild. Ástæða er til að óska körfuboltafólki hjá ÍA til hamingju með frábæran árangur og stunda bjartsýni um áframhaldandi sigurgöngu liðsins. Áfram ÍA! http://www.akranes.is/frettir/nr/126666 http://www.akranes.is/frettir/nr/126666 Fri, 16 Mar 2012 14:20:00 GMT Miðvikudaginn 14. mars sl. var haldinn kynningarfundur um niðurstöður könnunar á ferðum Akurnesinga á milli Akraness og höfuðborgarsvæðisins og fór hann fram Tónbergi. Á fundinum voru kynntar niðurstöður könnunar sem gerð var nýverið um ferðatilhögun og tilgang ferða Akurnesinga á milli Akraness og höfuðborgarsvæðisins, en könnunin var unnin að frumkvæði bæjaryfirvalda á Akranesi í tengslum við þróun og uppbyggingu almenningssamgangna á milli Akraness og höfuðborgarsvæðisins. Á fundinn mætti Hjördís Sigursteinsdóttir frá Rannsóknar- og þjónustumiðstöð Háskólans á Akureyri, en hún annaðist framkvæmd og úrvinnslu könnunarinnar. Ágætlega var mætt á fundinn og spunnust líflegar umræður um niðurstöður könnunarinnar, enda margt áhugavert sem kemur þar fram. M.a. má nefna að u.þ.b. 10 - 12% Akurnesinga, eða á bilinu 600 til 800 manns, ferðast að staðaldri á milli Akraness og Reykjavíkur vegna vinnu og skóla og 2-3% af þeim nota strætó að staðaldri. Skýrsluna í heild má skoða með því að smella hér. http://www.akranes.is/frettir/nr/126597 http://www.akranes.is/frettir/nr/126597 Thu, 15 Mar 2012 09:37:00 GMT Samfélagsverðlaun Fréttablaðsins voru afhent við hátíðlega athöfn í gær. Forseti Íslands, Ólafur Ragnar Grímsson, afhenti verðlaunin. Þetta er í sjöunda sinn sem Fréttablaðið veitir Samfélagsverðlaun en þau eru veitt í fjórum flokkum auk heiðursverðlauna; Samfélagsverðlaunin, Hvunndagshetjan, Frá kynslóð til kynslóðar og Til atlögu gegn fordómum. Hvunndagshetja ársins 2012 er Pauline McCarthy, en í umsögn dómnefndar segir m.a. að hún sé jafnan tilbúin að leggja góðum málefnum lið. Auk þess að vinna sjálfboðastörf bæði fyrir Rauða krossinn og Mæðrastyrksnefnd hefur hún opnað heimili sitt þeim sem eru einir á jólum. Aðrir tilnefndir í þessum flokki voru Árni Stefán Árnason, lögfræðingur með dýrarétt að sérsviði, og Gróa Gunnarsdóttir, leikskólakennari á leikstofu Barnaspítala Hringsins. Ástæða er til að óska Pauline til hamingju með þessa glæsilegu viðurkenningu á því fórnfúsa starfi sem hún hefur unnið m.a. fyrir samfélagið hér á Akranesi. http://www.akranes.is/frettir/nr/126448 http://www.akranes.is/frettir/nr/126448 Wed, 14 Mar 2012 21:00:00 GMT Stóra upplestrarkeppnin fór fram í Tónbergi þann 7. mars sl. en keppnin var haldin í 14. skipti og voru að venju 6 lesarar frá hvorum grunnskólanna. Í upphafi ávarpaði Guðbjartur Hannesson, velferðarráðherra hópinn, rifjaði upp gamla tíma og ræddi um mikilvægi þess að geta komið fram fyrir stóran hóp og flutt mál sitt áheyrilega. Nemendur úr 7. bekkjum grunnskólanna fluttu tónlist, nemandi með þýsku að móðurmáli flutti ljóð á þýsku, veittar voru viðurkenningar fyrir myndskreytingar boðskorts og bókaforlagið Uppheimar gáfu bókagjöf sem dómarar og móðurmálskennarar fengu í þakklætisskyni. Að lokum var niðurstaða dómnefndar kynnt en Hilmar Halldórsson varð í fyrsta sæti, Halla Margrét Jónsdóttir í öðru sæti og Hjördís Brynjarsdóttir í því þriðja. Nemendur voru sjálfum sér og sínum skóla til mikils sóma. Á meðfylgjandi mynd eru sigurvegararnir þrír þau Hilmar, Halla Margrét og Hjördís. http://www.akranes.is/frettir/nr/126498 http://www.akranes.is/frettir/nr/126498 Tue, 13 Mar 2012 10:10:00 GMT Hvað eru Skagamenn að gera í Reykjavík? Áhugaverður fundur um tilhögun og tilgang ferða Akurnesinga til höfuðborgarsvæðisins í beinni á FM 95.0 - Útsendingin hefst kl. 20:00. Miðvikudaginn 14. mars nk. verður haldinn kynningarfundur um niðurstöður könnunar á ferðum Akurnesinga á milli Akraness og höfuðborgarsvæðisins. Fundurinn verður haldinn í Tónbergi og hefst kl. 20:00. Á fundinum verða kynntar niðurstöður könnunar sem gerð var nýverið um ferðatilhögun og tilgang ferða Akurnesinga á milli Akraness og höfuðborgarsvæðisins. Könnunin var unnin að frumkvæði bæjaryfirvalda á Akranesi í tengslum við þróun og uppbyggingu almenningssamgangna á milli Akraness og höfuðborgarsvæðisins. Á fundinn mætir Hjördís Sigursteinsdóttir frá Rannsóknar- og þjónustumiðstöð Háskólans á Akureyri, en hún annaðist framkvæmd og úrvinnslu könnunarinnar. Fólk er hvatt til að mæta og kynna sér niðurstöður könnunarinnar en óhætt er að segja að margt áhugavert komi þar fram. Þeir sem ekki eiga þess kost að mæta til fundarins geta hlustað á fundinn í beinni útsendingu í útvarpi á FM 95.0. Fundarstjóri er Ingibjörg Valdimarsdóttir, bæjarfulltrúi og formaður Fjölskylduráðs. http://www.akranes.is/frettir/nr/126447 http://www.akranes.is/frettir/nr/126447 Mon, 12 Mar 2012 10:35:00 GMT Síðastliðinn laugardag var NÓTAN- uppskeruhátíð tónlistarskóla á Vesturlandi, Vestfjörðum og V-Húnavatnssýslu haldin í Tónbergi. Flutt voru 21 tónlistaratriði frá átta tónlistarskólum, flytjendur voru ýmist á grunn-, mið- eða framhaldsstigi. Veittar voru viðurkenningar fyrir 9 atriði og síðast en ekki síst voru valdir þrír flytjendur sem munu stíga á svið í Eldborg í Hörpu næstkomandi laugardag. Til þátttöku á lokatónleikunum í Eldborg voru eftirtaldir valdir: Mikolaj Ólafur Frach frá Tónlistarskóla Ísafjarðar, Trommusveit frá Tónlistarskóla Stykkishólms og síðast en ekki síst hin frábæra Þjóðlagasveit Tónlistarskólans á Akranesi, en meðfylgjandi mynd er einmitt af sveitinni ásamt stjórnanda hennar, Ragnari Skúlasyni. Til hamingju með árangurinn! http://www.akranes.is/frettir/nr/126387 http://www.akranes.is/frettir/nr/126387 Fri, 09 Mar 2012 10:47:00 GMT Í aðsendri grein Árna Múla Jónassonar, sem birtist í Skessuhorni í vikunni er varpað fram þessari áhugaverðu spurningu - er gamall miðbær einhvers virði? Á undanförnum árum hafa málefni miðbæjarins á Akranesi, Akratorgs og svæðisins þar í kring verið mjög til umræðu meðal bæjarbúa á Akranesi. Nú er til unmræðu hjá bæjaryfirvöldum hvort Akraneskaupstaður eigi að kaupa sk. Landsbankahús við Akratorg og af þessu tilefni ritaði Árni Múli, bæjarstjóri umrædda grein sem fylgir hér á eftir í heild: Er gamall miðbær einhvers virði? Það er mjög mikill styrkur í því fólginn fyrir ímynd og sjálfsmynd bæjarfélags að hafa aðlaðandi miðbæ með torgi og mannlífi og þjónustu og verslun þar sem bæjarbúar, gestir og gangandi reka hin og þessi erindi og koma svo allir saman til hátíðarbrigða og til að gera sér dagamun. Margir kaupstaðir á Íslandi, litlir og stórir, sækja styrk í þannig miðbæi, sem laða til sín fólk og lífga upp á tilveruna. Gamli miðbærinn og Akratorg er í hugum flestra Skagamanna hjarta bæjarins. Það er því metnaður og vilji okkar flestra að þar verði fallegt miðbæjartorg; hlýlegur og aðlaðandi staður þar sem gaman er að spóka sig á góðviðrisdögum og tylla sér á bekk og fá sér rjómaís með ömmu gömlu eða krökkunum og koma svo öll þar saman þegar sérstakt tielfni er til, s.s. þegar Jón gamli forseti á afmæli eða jólasveinarnir koma glaðbeittir og söngelskir til byggða. Hér á árum áður hittust Skagamenn jafnan á Akratorgi þegar mikið stóð til og sérstakt tilefni var til að gleðjast og fagna. Hátíðarhöld á 17. júní fóru þar fram og þar hylltu Skagamenn fótboltakappa sína þegar þeir höfðu unnið sérstaklega glæsilega sigra og það var ósjaldan tilefni til þess. Jólatréið sem við eigum öll saman er haft á Akratorgi og hátíðarathöfn á Sjómannadaginn fer þar fram. Það er því ekki minnsti vafi í mínum huga og ég veit að mjög margir íbúar á Akranesi eru sama sinnis, að afar mikilvægt er að Akratorg og húsin sem standa umhverfis torgið myndi það skjólgóða, aðlaðandi, já og auðvitað mátulega virðulega umhverfi sem nauðsynlegt er til að torgið geti vel og lengi gegnt þessu mikilvæga hlutverki. Gamla Landsbankahúsið, sem svo er nefnt þar sem útibú bankans var þar í mörg ár, er klárlega það hús sem svipmest er og mest ber á við Akratorg. Þetta flotta hús má þó muna fífil sinn fegurri og raunar er afar brýnt að huga að gagngerum endurbótum á húsinu, glæða það lífi og færa því eitthvert það hlutverk sem laðar að fólk og lyftir um leið upp Akratorginu og umhverfi þess, gamla góða miðbænum. Ástand hússins og sú deyfð sem nú er yfir því hefur niðurdrepandi áhrif á allt umhverfi þess og m.a. og ekki síst verslun, þjónustu og aðra þess háttar athafnasemi. Sá drungi sem nú er yfir þessu glæsilega húsi er hreint ekki til þess fallinn að laða að og örva líf og viðskipti og þjónustu og skemmtilegar uppákomur og viðburði í gamla miðbænum okkar. Ég er því alveg sannfærður um að það eru mjög miklir hagsmunir í húfi fyrir Akrneskaupstað og alla Skagamenn að geta stjórnað nýtingu og uppbyggingu Landsbankahússins gamla við Akratorg. En til þess að svo megi verða þarf kaupstaðurinn að fá ráðstöfunarrétt yfir húsinu. Landsbankinn, sem á nú húsið, hefur raunar boðið að selja kaupstaðnum það á verði sem mér finnst vera mjög hagstætt þó að ekki sé minnsti vafi á að mjög margt í húsinu, að utan og innan, þarf að lagfæra og bæta til að gera það aftur tipp topp og mun það örugglega taka töluverðan tíma og kosta sitt. Með þessu tilboði lítur Landsbankinn svo á að hann sé að taka virkan þátt í uppbyggingu gamla miðbæjarins með eflingu samfélagsins á Akranesi í huga og að leiðarljósi. Þeir sem telja húsið vera eftirsóknarvert fyrir kaupstaðinn, til skemmri og lengri tíma litið, hafa bent á að í húsinu mætti, án mjög mikilla framkvæmda eða breytinga, koma fyrir ýmsu félagsstarfi sem nú býr við misgóða húsnæðisaðstöðu hér í bæ, s.s. félagsstarfi aldraðra, upplýsingamiðstöð fyrir gesti og ferðafólk, ráðgjafastarfsemi á sviði nýsköpunar og endurmenntunar, þá má t.a.m. hugsa sér að starfsemi Skagastaða og Endurhæfingarhússins Hvers geti verið þar, og jafnvel mætti hafa þar lítið kaffihús og lista- og handverksverslun. Þannig mætti skapa húsinu fjölþætt hlutverk, fólk ætti þangað erindi og um leið myndi líf við Akratorg og í gamla miðbænum aukast og örvast. Þá hefur verið bent á að í framtíðinni mætti sjá fyrir sér að húsið yrði gert að ráðhúsi Akraness og að starfsemi kaupstaðarins sem nú er í Stillholti yrði þá flutt á Akratorg. Á þessu ári fagnar Akraneskaupstaður því að 70 ár eru liðin frá því að bærinn fékk kaupstaðarréttindi og er stefnt að fjölbreyttum hátíðarhöldum af þessu tilefni. Ég er ekki í nokkrum minnsta vafa um að það myndi verða mesta og besta framtak okkar allra saman á afmælisárinu ef við tækjum nú rösklega til hendinni við að hefja Akratorgið og gamla miðbæinn til vegs og virðingar. Árni Múli Jónasson, bæjarstjóri á Akranesi